Міністр спорту і турызму Сяргей Кавальчук павіншаваў усіх з Днём Незалежнасці Рэспублікі Беларусь

Ад імя Міністэрства спорту і турызму і сябе асабіста віншую ўсіх працаўнікоў галіны, спартсменаў, трэнераў і ветэранаў з Днём Незалежнасці Рэспублікі Беларусь! У гэты светлы ліпеньскі дзень мы ўспамінаем тых, хто ратным подзвігам прынёс мір і спакой на нашу зямлю. І, працягваючы слаўныя традыцыі, нашае пакаленне будуе моцную і квітнеючую Беларусь.

Дзень Незалежнасці аб’ядноўвае ўсіх, хто шануе слаўную гісторыю сваёй Радзімы і верыць у яе годную будучыню, з’яўляецца ўвасабленнем гераізму, стойкасці, велічы духу народа, сімвалам адзінства.

У гэты святочны дзень прыміце самыя шчырыя пажаданні здароўя, міру, дабрабыту і працоўных поспехаў у нашай стваральнай працы на карысць роднай Беларусі.

Кавальчук С.М.
Міністр спорту і турызму
Рэспублікі Беларусь